महाराष्ट्र रक्षक न्यूज

भव्य हिंदू संमेलनात पावसाचीही हजेरी करडा प्रतिनिधी –  शेवाळवाडी येथे आयोजित करण्यात आलेल्या भव्य हिंदू संमेलनाला नागरिकांचा उत्स्फूर्त प्रतिसाद लाभला. मोठ्या संख्येने उपस्थित राहून नागरिकांनी कार्यक्रमाची शोभा वाढवली. धार्मिक आणि सांस्कृतिक वातावरणात पार पडलेल्या या संमेलनात विविध मान्यवरांनी मार्गदर्शन करत समाज एकजुटीचा संदेश दिला. दरम्यान, सायंकाळी सुमारे ५ वाजण्याच्या सुमारास अचानक पावसानेही आपली हजेरी लावली. मेघराजांच्या या आगमनामुळे वातावरण अधिक प्रसन्न झाले. पावसाच्या सरींनाही न जुमानता उपस्थितांनी कार्यक्रमात उत्साहाने सहभाग घेतला. या संमेलनामुळे परिसरात धार्मिक एकात्मता आणि उत्साहाचे वातावरण निर्माण झाले असून कार्यक्रमाचे सर्वत्र कौतुक होत आहे.

  देऊळगाव गाडा (प्रतिनिधी):अमोल शिंदे  फेब्रुवारी २०२६ मध्ये घेण्यात आलेल्या 'मंथन राज्यस्तरीय सामान्य ज्ञान परीक्षेत' जिल्हा परिषद प्राथमिक शाळा देऊळगाव गाडा येथील विद्यार्थिनींनी दैदिप्यमान यश संपादन केले आहे. विशेष म्हणजे, केडगाव केंद्रामधून काढण्यात आलेल्या पहिल्या पाच क्रमांकांपैकी तब्बल तीन क्रमांक याच शाळेच्या विद्यार्थिनींनी पटकावत शाळेचा आणि गावाचा नावलौकिक वाढवला आहे. यशस्वी विद्यार्थिनींची कामगिरी:  कु. स्वरा मनोज शितोळे (इयत्ता ४ थी): हिने ३०० पैकी २४४ गुण मिळवून केडगाव केंद्रामध्ये प्रथम क्रमांक पटकावला. तिने राज्यात २१ वा, जिल्ह्यात २४ वा तर तालुक्यात १५ वा क्रमांक मिळवला आहे.  कु. श्रेया विजय दगडे (इयत्ता ४ थी): ३०० पैकी २३२ गुण मिळवून केंद्रामध्ये पाचवा क्रमांक मिळवला. तिने राज्यात ३५ वा, जिल्ह्यात ३० वा तर तालुक्यात २१ वा क्रमांक प्राप्त केला.  कु. श्रुती विजय दगडे (इयत्ता ४ थी): हिने देखील ३०० पैकी २३२ गुण मिळवून केंद्रामध्ये पाचवा क्रमांक प्राप्त केला आहे. एकाच शाळेतील तीन मुलींनी केंद्रस्तरीय गुणवत्ता यादीत स्थान मिळवल...