महाराष्ट्र रक्षक न्यूज

प्रतिनिधी प्रशांत शिंदे  मिरज येथील शासकीय रुग्णालय येथील स्वागत कमान बांधकामादरम्यान कोसळून चार कामगार गंभीर जखमी झाल्याची घटना घडली आहे. या घटनेमुळे बांधकामाच्या दर्जाबाबत गंभीर प्रश्न रिपब्लिकन पार्टी ऑफ इंडिया ने उपस्थित केले आहे. या प्रकरणाची तातडीने चौकशी करून संबंधित अधिकारी व ठेकेदाराची जबाबदारी निश्चित करावी. सार्वजनिक निधीचा गैरवापर किंवा बांधकामात अनियमितता आढळल्यास संबंधित ठेकेदारावर चौकशी अंती कठोर कारवाई करावी व स्ट्रक्चर ऑडिट करून संबंधित ठेकेदाराचे काळे यादीत नाव समाविष्ट करावे, अशी मागणी रिपब्लिकन पार्टी ऑफ इंडिया (आठवले गट) यांच्या वतीने करण्यात येत आहे. प्रशासनाने तातडीने कारवाई न केल्यास रिपब्लिकन पार्टी ऑफ इंडिया आठवले गटाच्या वतीने तीव्र आंदोलन छेडण्यात येईल, असा इशारा देण्यात आला आहे. यावेळी उपस्थित शहर जिल्हाध्यक्ष पोपटराव कांबळे,जिल्हा कार्याध्यक्ष तथा मिरज तालुका अध्यक्ष अरविंद कांबळे,युवक जिल्हाकार्याध्यक्ष स्वप्निल खांडेकर,मिरज तालुका कार्याध्यक्ष प्रशांत शिंदे, तालुका संपर्कप्रमुख देवदास कांबळे,मिरज तालुका युवक आघाडी उपाध्यक्ष र...

सांगलीचे सहाय्यक कामगार आयुक्त कार्यालय समोर जनता क्रांती दलाचे बेमुदत धरणे आंदोलन  ‌‌ कडेगाव प्रतिनिधी  अजित वायदंडे         सांगली जिल्ह्यातील बांधकाम कामगार यांना मिळणाऱ्या सेफ्टी किट असेल किट संसार उपयोगी भांडी किट यामध्ये ठेकेदाराकडून व एजंटाकडून मोठ्या प्रमाणात पैसे गोळा केले जात आहेत त्याची चौकशी करून दिलेला ठेका त्वरित रद्द करण्यासाठी सांगली जिल्हा सहाय्यक कामगार आयुक्त यांच्या कार्यालयासमोर जनता क्रांती दलाचे 2 ऑक्टोबर 2026 पासून बेमुदत धरणे आंदोलन करण्यात येणार असल्याचे जनता क्रांती दलाचे संस्थापक अध्यक्ष मा.सत्यवान कमाने साहेब व सांगली जिल्हा अध्यक्ष मा.अजित वायदंडे यांच्या नेतृत्वाखाली प्रशासनाला निवेदन देण्यात आले महाराष्ट्र शासनाची महत्त्वकांक्षी योजना महाराष्ट्र सह सांगली जिल्ह्यात प्रभावीपणे राबवली जात असताना त्याचा लाभ सर्व सामान्य गरीब गरजू कामगारांना मिळण्यासाठी कामगार आयुक्त कार्यालय आटोकाट प्रयत्न करीत असताना परंतु ज्या ठेकेदारी संस्थांना टेंडर देण्यात आले आहे त्यामुळे अक्षरशा बांधकाम कामगारांचे मोठ्या प्रमाणावर आर्थिक...

पाटीलवाडीत भक्तिमय कीर्तन सोहळा उत्साहपूर्ण वातावरणात संपन्न सातारा जिल्हा प्रतिनिधी सुहास पाटील  पाटीलवाडी : आशिर्वाद गणेश मंडळ, पाटीलवाडी यांच्या वतीने आयोजित करण्यात आलेला भक्तिमय कीर्तन सोहळा मंगळवार, दि. १५ सप्टेंबर २०२६ रोजी उत्साहपूर्ण आणि भक्तिमय वातावरणात संपन्न झाला. या सोहळ्यात ह. भ. प. पौर्णिमा ताई कलकुरे (आणे, कर्नाटक) यांनी आपल्या ओघवत्या वाणीतून भाविकांना भक्तिरसात चिंब भिजवले. त्यांच्या प्रभावी कीर्तनातून भक्ती, संस्कार आणि सामाजिक एकोपा यांचा संदेश देण्यात आला. कार्यक्रमाला भाविकांचा उत्स्फूर्त प्रतिसाद लाभला. जुगाईमाता सांप्रदाय महिला भजन मंडळ, पाटीलवाडी यांची कीर्तन साथ लाभली. तसेच गायक, मृदंग, पेटी व चोपदार यांच्या सुरेल साथसंगतीमुळे कार्यक्रमाला विशेष रंगत आली. कीर्तनादरम्यान परिसरात टाळ-मृदंगाच्या गजराने आणि भक्तिगीतांनी भक्तिमय वातावरण निर्माण झाले होते. महिला, पुरुष तसेच तरुण-तरुणींनी मोठ्या संख्येने उपस्थित राहून कीर्तनाचा लाभ घेतला. “भक्तीचा वारसा जपुया, तरुणाईने आवर्जून सहभागी होऊया” या संदेशाला प्रतिसाद देत तरुणाईनेही कार्यक्रमात...

तांबवे येथे जाहीर सभेत हिंगणगावातील नागरिकांचा जाहीर शिवसेनेत पक्षप्रवेश प्रतिनिधी वैष्णव ढमाळ  तांबवे : तांबवे येथे आयोजित जाहीर सभेत हिंगणगाव येथील नागरिकांचा जाहीर शिवसेनेत पक्षप्रवेश सोहळा उत्साहात पार पडला. पालकमंत्री ना. शंभूराजे देसाई तसेच जिल्हा परिषदेचे माजी अध्यक्ष मा. श्रीमंत संजीवराजे नाईक निंबाळकर यांच्या मार्गदर्शनाखाली हा पक्षप्रवेश पार पडला. यावेळी सचिन हणमंत ठोंबरे, संभाजी शिवाजी झिटे, सुनील चंदर शिंदे, गोविंदा बापू शिंदे, अभिजीत बाळू शिंदे, लालासो आकुंश ठोंबरे, सुभाष ज्ञानदेव शिंदे, पोपट विलास शिंदे, सुभाष चंद्रकांत झिटे आणि तुकाराम कृष्णा ठोंबरे यांनी शिवसेनेत जाहीर प्रवेश केला. या पक्षप्रवेश सोहळ्यास पराग भोईटे-इनामदार, नरशिंग ठोंबरे, नानासो खरात, संतोष ज्ञानदेव ठोंबरे, जयदीप भोईटे, ओंकार भोईटे, मंगेश काकडे यांच्यासह हिंगणगाव येथील बहुसंख्य नागरिक उपस्थित होते. हिंगणगावातील नागरिकांनी जाहीरपणे शिवसेनेत प्रवेश केल्याने तांबवे परिसरातील राजकीय वातावरणात या पक्षप्रवेशाची जोरदार चर्चा सुरू झाली आहे.

मेढा येथे ‘हर घर तिरंगा’ अभियानांतर्गत तिरंगा ध्वज वाटप उत्साहात संपन्न  जावली प्रतिनिधी मोहन खुडे  आज जावळी तालुक्याची राजधानी मेढा शहरात मेढा नगरपंचायत प्रशासन यांच्या वतीने तसेच *नामदार श्रीमंत छत्रपती शिवेंद्रसिंहराजे भोसले महाराज साहेब सार्वजनिक बांधकाममंत्री महाराष्ट्र राज्य*, यांचे सूचनेनुसार *‘हर घर तिरंगा’* अभियानांतर्गत नागरिकांना व शालेय विद्यार्थ्यांना तिरंगा ध्वज वाटपाचा कार्यक्रम उत्साहात संपन्न झाला. या उपक्रमाला नागरिकांचा उत्स्फूर्त प्रतिसाद मिळाला. मोठ्या संख्येने नागरिका व शालेय विद्यार्थी उपस्थित राहून तिरंगा ध्वज स्वीकारला.  यावेळी मेढा शहरातुन तिरंगा रॅली काढण्यात आली,‘भारत माता की जय’, ‘वंदे मातरम्’ अशा घोषणांनी मेढा शहर दुमदुमून गेले. या कार्यक्रमास जावळीचे तहसीलदार श्री प्रविण मुदगल साहेब व नायब तहसिलदार श्री मुनावळे,सौ मोहीते मॅडम,व तहसिलदार ऑफिस अधिकारी वर्ग,बीडीओ श्री महेंद्र सपाते सर,विस्तार अधिकारी श्री कर्णे सर, व पंचायत समिती अधिकारी वर्ग,मेढा शहरातील प्रथम लोकनियुक्त नगराध्यक्षा सौ रूपालीताई वारागडे, उपनगराध्यक्ष...

मेढा आगारातील अपघातांबाबत गंभीर प्रश्न; चालक-वाहकांवरील अतिरिक्त कामाचा ताण आणि बस देखभालीकडे दुर्लक्षाचा आरोप प्रतिनिधी मोहन खुडे  सदर अपघात हा विजापूर येथून रिटर्न प्रवास करताना चालकाला पुरेशी विश्रांती न मिळाल्यामुळे झाल्याचा आरोप करण्यात येत आहे. तसेच मेढा आगारातील एसटी बसगाड्यांची नियमित व योग्य पद्धतीने देखभाल केली जात नसल्याचीही गंभीर बाब समोर येत आहे. मेढा आगारामध्ये चालक व वाहकांचा इतरत्र मोठ्या प्रमाणात वापर केला जात असल्याने उपलब्ध चालक-वाहकांवर अतिरिक्त कामाचा ताण पडत असल्याचे सांगण्यात येत आहे. परिणामी, पुरेशी विश्रांती न मिळालेल्या चालकांकडून लांब पल्ल्याच्या फेऱ्या करून घेतल्या जात असल्याचा आरोप आहे. आगार प्रशासनाकडून लांब पल्ल्याच्या गाड्या रिटर्न प्रवासासाठी पुन्हा आगारात आणल्या जात असल्याने चालकांना विश्रांतीसाठी पुरेसा वेळ मिळत नसल्याचेही सांगितले जात आहे. या सर्व बाबींचा परिणाम प्रवासी सुरक्षेवर होण्याची शक्यता निर्माण झाली आहे. विशेष म्हणजे, मागील महिन्यापासून मेढा आगाराच्या एसटी बसगाड्यांचे जवळपास चार अपघात झाल्याचे सांगण्यात येत असून, त्यापैकी सदर...

तांबवे येथे विविध विकासकामांचे भूमिपूजन व उद्घाटन; नवनिर्वाचित सदस्यांचा सत्कार समारंभ फलटण | प्रतिनिधी वैष्णव ढमाळ  फलटण तालुक्यातील तांबवे येथे विविध विकासकामांचे भूमिपूजन, उद्घाटन तसेच शिवसेना शाखेच्या उद्घाटनाचा कार्यक्रम आयोजित करण्यात आला आहे. यासोबतच जिल्हा परिषद व पंचायत समितीच्या नवनिर्वाचित सदस्यांचा सत्कार समारंभही यावेळी होणार आहे. हा कार्यक्रम शनिवार, दि. १५ ऑगस्ट २०२६ रोजी सायंकाळी ४.३० वाजता , तांबवे येथील भैरवनाथ मंदिर सभामंडप येथे आयोजित करण्यात आला आहे. कार्यक्रमास महाराष्ट्र राज्याचे पर्यटन व खनिकर्म मंत्री तथा सातारा जिल्ह्याचे पालकमंत्री मा. ना. शंभूराज देसाई यांची प्रमुख उपस्थिती राहणार आहे. तसेच मा. आ. श्रीमंत रामराजे नाईक-निंबाळकर यांच्यासह विविध मान्यवरांची उपस्थिती लाभणार आहे. कार्यक्रमास फलटण विधानसभा मतदारसंघाचे आमदार मा. श्री. दीपकराव चव्हाण , तसेच फलटण नगरपरिषद, पंचायत समिती, जिल्हा परिषद आणि विविध स्थानिक संस्थांमधील पदाधिकारी व लोकप्रतिनिधी उपस्थित राहणार आहेत. शिवसेना महिला आघाडीच्या जिल्हाध्यक्ष मा. सौ. रेश्माताई भोसले यांच्यास...

आलोक आश्विन शेटे यांची सातारा जिल्हा उपाध्यक्षपदी नियुक्ती सातारा | प्रतिनिधी सुहास पाटील  डिजिप्रेस मीडिया संघ – इंटरनॅशनल विंगच्या वतीने आलोक आश्विन शेटे, रा. सातारा, ता. सातारा, जि. सातारा यांची सातारा जिल्हा उपाध्यक्ष म्हणून नियुक्ती करण्यात आली आहे. संघटनेची ध्येय-धोरणे व उद्दिष्टे तळागाळापर्यंत पोहोचविणे, संघटनेचा जिल्ह्यात विस्तार करणे तसेच पत्रकार व माध्यम क्षेत्रातील व्यक्तींच्या विविध प्रश्नांसाठी कार्य करणे, या उद्देशाने ही नियुक्ती करण्यात आली आहे. आलोक आश्विन शेटे यांच्या सामाजिक व संघटनात्मक कार्याची दखल घेत त्यांच्यावर ही जबाबदारी सोपविण्यात आली असून, ते संघटनेच्या माध्यमातून सातारा जिल्ह्यात संघटनात्मक कार्याला अधिक बळकटी देतील, असा विश्वास व्यक्त करण्यात आला आहे. त्यांच्या नियुक्तीबद्दल डिजिप्रेस मीडिया संघ – इंटरनॅशनल विंगच्या पदाधिकारी व सदस्यांनी त्यांचे अभिनंदन करून पुढील कार्यासाठी शुभेच्छा दिल्या.

MSME उद्योगांना मोठा दिलासा; थकीत देयके वसुलीला अधिक बळ TReDSद्वारे बिल सेटलमेंट, MSEFCची संख्या वाढविण्याचा मार्ग मोकळा; नियमभंगासाठी गुन्हेगारी शिक्षेऐवजी टप्प्याटप्प्याने नागरी दंड नवी दिल्ली | प्रतिनिधी सूक्ष्म, लघु आणि मध्यम उद्योगांना (MSME) वेळेवर पेमेंट मिळावे, थकीत देयकांची वसुली जलद व्हावी आणि उद्योगांसाठी अधिक सुलभ व विश्वासाधारित नियामक व्यवस्था निर्माण व्हावी, यासाठी MSMED Act मध्ये महत्त्वपूर्ण सुधारणा करण्यात आल्या आहेत. या सुधारणांमुळे MSME क्षेत्राला मोठा दिलासा मिळण्याची अपेक्षा आहे. सुविधा परिषद (Facilitation Council) किंवा कलम 18 अंतर्गत मध्यस्थी सेवा प्रदाता अथवा अन्य पर्यायी विवाद निवारण संस्थेमार्फत झालेला मध्यस्थी समझोता करार किंवा लवादाचा निवाडा याची रक्कम आता ‘जमीन महसुलाची थकबाकी’ (Arrear of Land Revenue) म्हणून वसूल करण्याची तरतूद करण्यात आली आहे. संबंधित खरेदीदाराची मालमत्ता ज्या अधिकारक्षेत्रात आहे, त्या ठिकाणी जिल्हाधिकारी, उपायुक्त किंवा अधिसूचित प्राधिकरणामार्फत ही रक्कम वसूल करता येणार आहे. त्यामुळे MSME उद्योगांच्या थकीत देयकांच्या वसुलीला अधिक प्रभाव...

कर्जमाफी योजनांमुळे प्रामाणिक शेतकऱ्यांवर अन्याय? प्रतिनिधी सुहास पाटील  महाराष्ट्रात प्रत्येक विधानसभा निवडणुकीच्या पार्श्वभूमीवर विविध राजकीय पक्ष शेतकरी कर्जमाफीचे आश्वासन देताना दिसतात. शेतकऱ्यांना दिलासा देण्याच्या उद्देशाने अशा योजना जाहीर केल्या जात असल्या, तरी त्यांचा लाभ नेमका कोणाला होतो, हा विचार करण्यासारखा प्रश्न आहे. अनेक शेतकरी दरवर्षी राष्ट्रीयीकृत बँका किंवा गावातील विविध कार्यकारी सेवा सहकारी संस्थांकडून पीककर्ज घेतात. शासनाच्या व नाबार्डच्या व्याज सवलत योजनांनुसार, पीककर्जाची वेळेत परतफेड करणाऱ्या शेतकऱ्यांना ३ टक्के किंवा काही योजनांमध्ये शून्य टक्के व्याजाचा लाभ मिळतो. त्यामुळे अनेक प्रामाणिक शेतकरी वेळेत कर्ज फेडण्याचा प्रयत्न करतात. मात्र, काही शेतकरी भविष्यात कर्जमाफीची घोषणा होईल, या अपेक्षेने कर्जाची परतफेड टाळतात. कारण पूर्वीच्या अनेक कर्जमाफी योजनांचा लाभ प्रामुख्याने थकीत कर्जदारांनाच मिळाल्याची भावना ग्रामीण भागात निर्माण झाली आहे. परिणामी, नियमित कर्जफेड करणाऱ्या शेतकऱ्यांना अन्याय झाल्याची भावना व्यक्त केली जाते. खरे तर, वेळेवर कर्जफेड करणाऱ्या शेतकऱ...

कराड तालुक्यातील म्हासोली (शेवाळेवाडी) येथे युवकांमध्ये अमली पदार्थांच्या व्यसनाबाबत नागरिकांची चिंता कराड | प्रतिनिधी सुहास पाटील  कराड तालुक्यातील म्हासोली (शेवाळेवाडी) या गावात काही युवक व अल्पवयीन मुलांमध्ये गांजाचे सेवन वाढत असल्याचा आरोप स्थानिक नागरिकांनी केला आहे. यामुळे गावातील पालक आणि नागरिकांमध्ये चिंतेचे वातावरण निर्माण झाले आहे. स्थानिकांच्या म्हणण्यानुसार, काही महिन्यांपूर्वी अशा प्रकारच्या व्यसनाधीन युवकांची संख्या दोन ते तीन इतकी होती. मात्र आता ती वाढून आठ ते दहा जणांपर्यंत पोहोचल्याचा दावा करण्यात येत आहे. या प्रकारामुळे इतर युवक आणि शालेय वयातील मुलांवरही विपरीत परिणाम होण्याची भीती व्यक्त केली जात आहे. ग्रामपंचायतीचे सरपंच व सदस्य बरखास्त झाल्यानंतर गावात प्रशासकाची नियुक्ती करण्यात आली आहे. तसेच, या प्रकरणाची माहिती संबंधित यंत्रणांना असूनही आवश्यक ती कारवाई होत नसल्याचा आरोप काही नागरिकांनी केला आहे. गावातील नागरिकांनी कराड तालुका पोलीस, स्थानिक प्रशासन व अमली पदार्थविरोधी पथकाने या प्रकरणाची तातडीने चौकशी करून दोषी आढळणाऱ्यांवर कठोर कारवाई करावी,...

३५ ते ४० वर्षांचा वनवास संपणार कधी? दुधगाव आरोग्य उपकेंद्राची उभारणी अजूनही रखडली; नागरिकांमध्ये संताप प्रतिनिधी गेल्या ३५ ते ४० वर्षांपासून दुधगाव परिसरातील नागरिक आरोग्य उपकेंद्राच्या प्रतीक्षेत आहेत. अनेक वर्षांपूर्वी मंजूर झालेल्या दुधगाव आरोग्य उपकेंद्राच्या इमारतीचे काम आजतागायत पूर्ण झाले नसल्याने ग्रामस्थांमध्ये तीव्र नाराजी व्यक्त होत आहे. दुधगावसह परिसरातील नागरिकांना प्राथमिक आरोग्य सेवांसाठी दूरवर जावे लागत असल्याने विशेषतः गर्भवती महिला, ज्येष्ठ नागरिक, लहान मुले आणि आपत्कालीन रुग्णांना मोठ्या अडचणींचा सामना करावा लागत आहे. आरोग्य सुविधा गावात उपलब्ध नसल्याने वेळ आणि आर्थिक खर्च वाढत असून नागरिकांचे हाल होत आहेत. स्थानिकांच्या म्हणण्यानुसार, आरोग्य उपकेंद्राच्या इमारतीसाठी जागा उपलब्ध असूनही बांधकाम रखडले आहे. अनेकदा संबंधित विभाग आणि लोकप्रतिनिधींकडे पाठपुरावा करूनही ठोस कार्यवाही झालेली नाही. त्यामुळे प्रशासनाच्या उदासीन भूमिकेबाबत ग्रामस्थांनी संताप व्यक्त केला आहे. दुधगावच्या नागरिकांनी तातडीने आरोग्य उपकेंद्राच्या इमारतीचे रखडलेले काम पूर्ण करून उपकेंद्र क...

प्रतिनिधी गौरव दिवेकर : भारतीय हवामान विभागाने (IMD) ६ जुलै २०२६ रोजी पुणे जिल्ह्यासाठी 'रेड अलर्ट' जारी केला असून, संभाव्य अतिवृष्टीच्या पार्श्वभूमीवर जिल्हा प्रशासनाने महत्त्वाचा निर्णय घेतला आहे. विद्यार्थ्यांच्या सुरक्षिततेचा विचार करून जिल्ह्यातील सर्व शाळांना सोमवार, ६ जुलै रोजी सुट्टी जाहीर करण्यात आली असल्याची माहिती जिल्हाधिकारी जितेंद्र डुडी यांनी दिली. हवामान विभागाने जिल्ह्यात मुसळधार ते अतिमुसळधार पावसाचा इशारा दिल्यामुळे प्रशासनाने सर्व संबंधित यंत्रणांना सतर्क राहण्याचे निर्देश दिले आहेत. आपत्कालीन परिस्थितीला सामोरे जाण्यासाठी यंत्रणा सज्ज ठेवण्यात आल्या असून, नागरिकांनीही खबरदारी घेण्याचे आवाहन करण्यात आले आहे. जिल्हाधिकारी जितेंद्र डुडी यांनी नागरिकांना अत्यावश्यक कामाशिवाय घराबाहेर पडणे टाळावे, नदी, नाले, पूरप्रवण भाग तसेच धोकादायक ठिकाणांपासून दूर राहावे, असे आवाहन केले आहे. तसेच स्थानिक प्रशासन, आपत्ती व्यवस्थापन विभाग आणि हवामान विभागाकडून वेळोवेळी दिल्या जाणाऱ्या सूचनांचे काटेकोरपणे पालन करण्याचेही त्यांनी सांगितले. दरम्यान, संभाव्य अतिवृष्टीच्या पार्श्वभ...

दौंड: प्रतिनिधी :अमोल शिंदे  जिद्द, मेहनत आणि काहीतरी करून दाखवण्याची चिकाटी असेल, तर कोणतीही परिस्थिती यशाच्या आड येऊ शकत नाही, हे दौंड तालुक्यातील गलांडवाडी गावच्या सूनेने सिद्ध करून दाखवले आहे. गलांडवाडी गावच्या सून आणि अंगणवाडी सेविका म्हणून कार्यरत असणाऱ्या सौ. दिपाली संदीप शिंदे यांची वैद्यकीय संशोधन व आयुष विभागात 'समाजसेवा अधीक्षक (वैद्यकीय) / वैद्यकीय अधीक्षक' या अत्यंत प्रतिष्ठेच्या पदावर निवड झाली आहे. वयाच्या ३८ व्या वर्षी त्यांनी मिळवलेले हे यश ग्रामीण भागातील महिलांसाठी एक अत्यंत प्रेरणादायी उदाहरण ठरले आहे. अंगणवाडी सेविका ते वैद्यकीय अधीक्षक थक्क करणारा प्रवास सौ. दिपाली शिंदे यांनी कौटुंबिक जबाबदाऱ्या सांभाळत, अंगणवाडी सेविका म्हणून समाजसेवा करत आपले उद्दिष्ट डोळ्यांसमोर ठेवले होते. शासकीय सेवेतील हे मोठे पद मिळवण्यासाठी त्यांनी घेतलेले परिश्रम थक्क करणारे आहेत. वयाच्या ३८ व्या वर्षी, जेव्हा अनेकजण आपल्या करिअरमध्ये स्थिरावलेले असतात, अशा काळात दिपाली यांनी स्पर्धा परीक्षा आणि कठीण कौशल्यांच्या जोरावर हे यश खेचून आणले आहे. गलांडवाडी गावाचे नाव उंचाव...

 (प्रतिनिधी):अमोल शिंदे  दौंड तालुक्यातील गलांडवाडी गावचे कर्तव्यदक्ष ग्रामविकास अधिकारी श्री. संदीप ठवाळ यांची 'ग्रामविकास अधिकारी युनियन, दौंड'च्या तालुका अध्यक्षपदी जाहीर निवड करण्यात आली आहे. त्यांच्या या निवडीमुळे संपूर्ण तालुक्यातून आणि शासकीय वर्तुळातून त्यांच्यावर अभिनंदनाचा वर्षाव होत आहे. गलांडवाडी (ता. दौंड, जि. पुणे) येथे ग्रामविकास अधिकारी म्हणून कार्यरत असताना, संदीप ठवाळ यांनी आपल्या अष्टपैलू आणि कुशल प्रशासकीय कौशल्याच्या जोरावर अनेक लोकोपयोगी कामे यशस्वीरित्या पूर्ण केली आहेत. त्यांची कामावरील निष्ठा आणि सर्व सहकाऱ्यांना सोबत घेऊन जाण्याची वृत्ती लक्षात घेऊन, युनियनच्या वरिष्ठ पदाधिकाऱ्यांनी आणि सदस्यांनी एकमुखाने ही जबाबदारी त्यांच्या खांद्यावर सोपवली आहे. "तालुक्यातील ग्रामविकासाला नवी गती मिळणार" संदीप ठवाळ भाऊसाहेब यांच्या कुशल नेतृत्वाखाली आगामी काळात दौंड तालुक्यातील ग्रामविकासाच्या कामांना अधिक गती मिळेल, तसेच ग्रामविकास अधिकाऱ्यांचे प्रश्न आणि समस्या प्राधान्याने सुटतील, असा विश्वास युनियनच्या सर्व सदस्यांनी व ग्रामस्थांनी व्यक्त क...

ब्रेकिंग न्यूज | जाहीर निषेध व मागणी संजय दिना पाटील यांच्या वक्तव्यावर मुख्यमंत्री यांनी तात्काळ  कारवाई करावी – पत्रकार संघटनांची मागणी मुंबई/प्रतिनिधी – पत्रकारांशी कथित गैरवर्तन, शिवीगाळ व धमकीच्या प्रकरणावरून खासदार Sanjay Dina Patil यांच्या विरोधात राज्यभरातून तीव्र संताप व्यक्त होत आहे. या प्रकरणाची तात्काळ दखल घेऊन मुख्यमंत्री Devendra Fadnavis यांनी लवकरात लवकर  कारवाई करावी, अशी जोरदार मागणी विविध पत्रकार संघटनांकडून करण्यात आली आहे. या पार्श्वभूमीवर डिजिप्रेस मीडिया संघटना महाराष्ट्र राज्य यांनीही जाहीर निषेध नोंदविला असून, पत्रकारांच्या सन्मान व सुरक्षिततेसाठी कठोर पावले उचलावीत, अशी मागणी केली आहे. संघटनेने स्पष्ट केले आहे की, पत्रकार हा लोकशाहीचा चौथा स्तंभ असून त्यांच्यावर दबाव, धमकी किंवा अपमान सहन केला जाणार नाही. संबंधित प्रकरणाची निष्पक्ष चौकशी करून दोषींवर कठोर कारवाई करावी, अशी मागणीही करण्यात आली आहे. मागण्या: तात्काळ  कारवाई करावी पत्रकार सुरक्षेची हमी द्यावी गैरवर्तन करणाऱ्यांवर कठोर पावले उचलावीत – डिजिप्रेस मीडिया संघटना महाराष्ट्र रा...

क्रांतिसिंह नाना पाटील हायस्कूल, सरडे येथे आंतरराष्ट्रीय योग दिन उत्साहात साजरा फलटण प्रतिनिधी उमेश धुमाळ  सरडे, ता. फलटण: 11वा आंतरराष्ट्रीय योग दिन सोमवार दि. 21 जून 2026 रोजी क्रांतिसिंह नाना पाटील हायस्कूल, सरडे येथे उत्साहात साजरा करण्यात आला. 'एक पृथ्वी, एक आरोग्यासाठी योग' या संकल्पनेनुसार विद्यार्थ्यांनी योगाभ्यास केला.  कार्यक्रमाच्या अध्यक्षस्थानी विद्यालयाचे मुख्याध्यापक श्री. अनिल खलाटे सर होते. प्रारंभी मान्यवरांच्या हस्ते क्रांतिसिंह नाना पाटील यांच्या प्रतिमेचे पूजन करण्यात आले. क्रीडाशिक्षक श्री. आप्पासाहेब वाघमोडे सर यांनी विद्यार्थ्यांना योगासनांचे प्रात्यक्षिक करून दाखवले. ताडासन, वृक्षासन, त्रिकोणासन, भुजंगासन, शवासन तसेच प्राणायाम, अनुलोम-विलोम यांचे महत्त्व पटवून दिले. "रोज 20 मिनिटे योग केल्याने शारीरिक व मानसिक आरोग्य चांगले राहते, एकाग्रता वाढते," असे त्यांनी सांगितले. यावेळी जेष्ठ शिक्षक श्री. देवकाते सर, श्री. एजगर सर, श्री. पाटील सर व श्री. बेलदार सर यांनी विद्यार्थ्यांबरोबर योगाभ्यासात सहभाग घेतला. शिंदे मॅडम, विरणक मॅडम व मोर...

वरवंड, प्रतिनिधी :  वरवंड (ता. दौंड) येथील एकनाथ सीताराम दिवेकर महाविद्यालयाच्या मराठी विभागातील प्राध्यापक डॉ. ज्योती माने यांनी विकसित केलेल्या "Device for Devnagari Characters Recognition" (देवनागरी अक्षरे ओळखणारे तंत्रसाधन) या संशोधनाधारित शोधाला भारत सरकारकडून पेटंट मान्यता प्राप्त झाली आहे. या यशामुळे महाविद्यालयासह संपूर्ण शैक्षणिक क्षेत्रात आनंदाचे वातावरण निर्माण झाले आहे. देवनागरी लिपी ही भारतातील सर्वाधिक वापरल्या जाणाऱ्या लिपींपैकी एक असून हिंदी, मराठी, संस्कृतसह अनेक भाषांमध्ये तिचा वापर केला जातो. या लिपीतील अक्षरे, शब्द, वाक्ये, जोडाक्षरे, संयुक्त अक्षरे आणि विविध चिन्हे अचूकपणे ओळखून त्यांचे डिजिटल स्वरूपात रूपांतर करण्यासाठी डॉ. माने यांनी हे अत्याधुनिक तंत्रसाधन विकसित केले आहे. या प्रणालीमध्ये उच्च क्षमतेचा कॅमेरा मॉड्यूल, संगणकीय यंत्रणा, कृत्रिम बुद्धिमत्ता (AI), मशीन लर्निंग (ML), ऑप्टिकल कॅरेक्टर रिकग्निशन (OCR) मॉड्यूल, डिस्प्ले युनिट, डेटा संचयन मेमरी, तसेच वापरकर्ता नियंत्रण प्रणालीचा समावेश आहे. त्यामुळे छापील, कोरलेले किंवा हस्तलिखित स्...

‘महाराष्ट्र रक्षक न्यूज’ हे डिजिप्रेस मीडिया संघटना महाराष्ट्र राज्य यांच्या अंतर्गत अधिकृत डिजिटल न्यूज चॅनेल; अधिकृत पत्र जारी पुणे | प्रतिनिधी : अमोल शिंदे  डिजिप्रेस मीडिया संघटना महाराष्ट्र राज्य यांच्या वतीने ‘महाराष्ट्र रक्षक न्यूज’ हे संघटनेच्या अंतर्गत अधिकृत डिजिटल न्यूज चॅनेल म्हणून कार्यरत असल्याबाबत अधिकृत पत्र जारी करण्यात आले आहे. संघटनेचे राष्ट्रीय अध्यक्ष वैष्णव ढमाळ यांनी दिलेल्या माहितीनुसार, महाराष्ट्र रक्षक न्यूज हे संघटनेचे अधिकृत वृत्तमाध्यम असून राज्यभरातील सामाजिक, शैक्षणिक, प्रशासकीय, सांस्कृतिक तसेच जनहिताच्या विषयांवरील बातम्या सत्य, निष्पक्ष आणि जबाबदारीने जनतेपर्यंत पोहोचविण्याचे कार्य करणार आहे. अधिकृत पत्रानुसार, संघटनेच्या सर्व उपक्रम, निवेदने, पत्रकार परिषद, सामाजिक अभियान, कार्यक्रम तसेच विविध घडामोडींचे अधिकृत वृत्तांकन यापुढे महाराष्ट्र रक्षक न्यूज या माध्यमातून प्रकाशित व प्रसारित करण्यात येणार आहे. राष्ट्रीय अध्यक्ष वैष्णव ढमाळ यांनी सर्व पदाधिकारी, सदस्य, पत्रकार प्रतिनिधी व नागरिकांना आवाहन केले आहे की, संघटनेशी संबंधित अधिकृत मा...